VELKOMEN TIL HERØY VASSLAG SA

Med heimel i Matlova, Lov om helsetenesta i kommunane og Lov om helsemessig og sosial beredskap er det fastsett Forskrift for vassforsyning og drikkevatn (Drikkevatnforskrifta). Forskrifta har til formål å sikre forsyning av drikkevatn i tilfredsstillande mengde og av tilfredsstillande kvalitet.

Herøy vasslag skal etter vedtektene syte for tilfredsstillande vassforsyning samt legge til rette for å bygge ut brannvatn i samsvar med til ei kvar tid gjeldande lover og forskrifter, i laget sitt forsyningsområde.

Private vassleidningar skal byggjast og vedlikehaldast av medlemane, men vasslaget fastset kvalitetskrav som må oppfyllast for å få knyte seg til vasslaget sitt leidningsnett. (Sjå eige reglement)

VA-norm for Sunnmøre med lokale bestemmelsar for Herøy, gjeld i samband med alle nye utbyggingar av vassforsyningsanlegg.

Laget skal drivast etter sjølvkostprinsippet med allmennyttige formål som basis. Eventuelt årsoverskot skal leggast til føretaket sin allmenne eigenkapital. Det skal ikkje betalast renter på innskoten andelskapital eller utdelast utbyte til medlemmane.

Medlemskap/Andelskapital

Ein kvar som er einig i føretaket sitt formål, som godtek føretaket sine vedtekter og som eig ein eigedom som kan knytast til vasslaget sitt leidningsnett, har rett til å bli medlem i føretaket mot å betale det fastsette andelsinnskotet.

Medlemskapen er knytt til fast eigedom med eige Gn./Bnr/Snr. Det skal betalast ein andel for kvar sjølvstendig eigedom.

Om vatnet vi leverer:

Mørkevatnet på Moltufjellet er felles vasskjelde for Moltustranda vassverk og Herøy Vassverk. Mørkevatnet er ei god råvasskjelde, med svakt humushaldig vatn og relativt lav pH. Vatnet ligg 310 m over havet og har eit samla sjøareal på 285 000 m2. Regulert magasin har ein kapasitet på 340 000 m3. Nedbørsfeltet som gir tilsig til vatnet utgjer 2,3 km2. Reguleringsmagasin med kloringsanlegg ligg 150 m over havet.

Vår visjon er:

Alltid rikeleg, reint vatn.

I tillegg til private hushaldningar leverer H.V. vatn til fiskeribedrifter, helseinstitusjonar, landbruk, industri og kontorbygg.

Vasskvalitet:

For å overvake at vi alltid leverer vatn av tilfredstillande kvalitet tek vi regelmessige prøver av vatn før og etter behandling i tillegg til seks ulike stadar ute på nettet: Det vert analysert for bakteriar, farge, lukt, smak, ph, partiklar . Fargetalet i råvatnet varierer frå 10 til 18, med gjennomsnitt på ca. 13,7.Råvatnet har ein pH på 6,4 som er surt. Ved tilsetjing av vannglas har vi no ein pH ute på nettet på 7,1 i snitt. Målsettinga er stabilt 7,5.

Hardheitsgrada på vatnet frå Herøy vasslag er 0,02-0,06 dH° (veldig blautt/mjukt vatn). Hardheitsgrada på vatnet frå Stemmedal er omlag 2,5 dH° (blautt/mjukt vatn). 

For Gebyrregulativ rev. 23. mai 2024, klikk her

For gjeldande prisliste 2024, klikk her.

VA-norm for Sunnmøre med lokale bestemmelsar for Herøy, gjeld i samband med alle nye utbyggingar av vassforsyningsanlegg.

Om du ynskjer meir informasjon om reglement og vedtekter for Herøy Vasslag SA, kan disse lastast ned:

For å sjå reglement: undefinedKlikk her

For å sjå vedtekter: undefinedKlikk her

For å sjå VA-norm for Sunnmøre: undefinedKlikk her

Beredskapsplan.

Beredskapsplanen er eit av fleire instrument for at vasslaget skal ivaretake sitt overordna samfunnsansvar for vassforsyninga i sitt område. Dei viktigaste samarbeidspartane i denne samanheng er Herøy kommune og Mattilsynet.    

Årsmøte 2024

Dato: 23. mai 2024 kl. 18,00

Møtestad: Herøy Vasslag, Kvithaugsmyra 71

Sakliste Årsmøte 23. mai 2024 kl. 18:00

1. Godkjenning av innkalling og sakliste

2. Val av referent og to utsendingar til å underskrive protokollen

3. Styret si årsmelding for 2023

4. Revidert rekneskap med revisjonsmelding og disponering av årsresultat

5. Revidering av Gebyrregulativet

6. Fastsetjing av årsgebyr for 2025

7. Fastsetjing av styrehonorar for 2023 etter innstilling frå valnemnda

8. Val av styremedlemar og medlemar til valnemnda

Årsmøtet består av 25 valde utsendingar. Dei valde utsendingane har fått skriftleg innkalling med vedlagt saksdokument.

Styret.

Valde utsendingar til årsmøte 2024

Informasjon om fusjon

• Informasjon til abonnentane, Fusjon
• Redegjørelse frå styret HV
• Signert Fusjonsplan
• Opningsbalanse fusjon
• Rapport frå styret fusjon HV